നമ്മടെ നാട്..

പൊട്ടത്തരങ്ങളുടെ ഒരു വന്‍ മാലപ്പടക്കമാണു എന്റെ നാടെങ്കിലും ഈയിടെയായി കുറച്ചു പുരോഗമനം ഒക്കെ ഉണ്ടു. അതില്‍ എടുത്തു പറയാന്‍ പറ്റുന്ന ഒരു കാര്യം എന്റെ നാട്ടുകാരുടെ “രാഷ്ട്രീയ ബോധം” പണ്ടത്തെ പോലെ അല്ല ഇപ്പോള്‍ നന്നായി രാഷ്ട്രീയം കളിക്കാന്‍ എന്റെ നാട്ടുകാര്‍ പഠിച്ചിരിക്കുന്നു എന്നതാണ്.ഈയിടെ നാട്ടില് ഉണ്ടായ ഒരു സംഭവം എന്റെ നാട്ടുകാരുടെ രാഷ്ടീയ ബോധം എത്ര കണ്ടു ഉയര്ന്നു എന്നതിനു ഒരു ഉത്തമ ഉദാഹരണമായി കണക്കാക്കാം. ആദ്യം എന്റെ നാടിനെ പറ്റി പറയാം കാരണം “നെല്ല് എന്തെന്നറിഞ്ഞാലാണല്ലോ അരിയുടെ മഹത്വം മന്സ്സിലാക്കാന്‍ പറ്റൂ”.

ശ്രീനാരായണ ഗുരുവും എന്റെ നാടും തമ്മില്‍ ഒരു മുറിയാത്ത ബന്ധം ഉണ്ടു എന്നു ഞാന്‍ വിശ്വസിക്കുന്നു. അതാണു എന്റെ നാടിന്റെ വലിയൊരു പരത്യേകതയും. എന്താണെന്നു വെച്ചാല്‍ ഗുരുവിന്റെ “ഒരു ജാതി ഒരു മതം ഒരു ദൈവം , ” എന്ന ആശയം അക്ഷരംപ്രതി കൈകൊള്ളുന്നത്‍ എന്റെ നാട്ടുകാരാണു,ധര്‍മ്മ പരിപാലന യോഗക്കാരു പോലും ഗുരുവിന്റെ ഈ ആശയം ഇത്രയേറെ മുറുകെ പിടിച്ചുട്ടുണ്ടാവില്ല. അതെ എന്റെ നാട്ടില്‍ ഒരു ജാതിയെ ഉള്ളു,ഒരു മതമേ ഉള്ളൂ ഒരു ദൈവമേ ഉള്ളു,”ജാതി മാപ്പിള,മതം ഇസ്ലാം,ദൈവം പടചച തമ്പുരാനായ അള്ളാഹു”.ഈ ഒരു ജാതി ഒരു മതം ഒരു ദൈവം എന്ന എന്റെ നാട്ടില് അതു കൊണ്ടു തന്നെ ഈ ജാതിയുടെ പേരിലുള്ള രാഷ്ടീയ പാര്ട്ടികളുടെ നോമിനികള്‍ അടുത്ത കാലം വരെ പടച്ച റ്ബ്ബിന്റെ കാരുണ്യം ഒന്നിനാല്‍ യാതൊരു പ്രവര്ത്തനവും കാഴ്ച്ച വെക്കാതെ സുഖ സുങരമായി ജയിച്ചു പോന്നു.തെരഞ്ഞെടുപ്പു വന്നാല്‍ ഏതോ ഒരു സാഹിബിനെ സ്ഥാനാര്‍ത്തി ആക്കി നോമിനേഷന്‍ കൊടുത്താ മാത്രം മതി ,ജയിപ്പിക്കണ കാര്യം നമ്മടെ നാട്ടുകാരു നോക്കി കൊള്ളും. മരിച്ചു മയ്യത്തായി ഖബറില് അടക്കി കഴിഞ്ഞാല്‍ അവിടെത്തെ ക്രോസ്‍ വിസ്താരവും ഉഴിച്ചി്ലുമെല്ലാം കഴിഞ്ഞു നേരെ സ്വര്ഗത്തിലേക്കു കടക്കാനുള്ള ചവിട്ടു പടികളാണ്‍ “കോണി”. ആ കോണി ജയിച്ചു പാര്‍ലമെന്റ്രിലേക്കും നിയമ സഭയിലേക്കും പന്ചായത്താപീസിലേകും പോകേണ്ടത്‍ നമ്മുടെ ആവശ്യമാണല്ലോ!!.

ഇനി ഈ കോണി ’കഥ’ വിശ്വസിക്കാത്ത പുരോഗമനവാദികളായ ചില “പിന്തിരിപ്പന്മാരും” ഉണ്ടു ഈ നാട്ടില് ,തെരഞ്ഞെടുപ്പിനു ഒരു ദിവസം മുന്പു വരെ എതിര്‍ പാര്ട്ടിക്കാരന്റെ കൊടി (തീര്ത്തും ഒരു ദൈവം ഒരു മതം ഒരു ജാതി ആശയക്കാരായതിനാല്‍ എതിര് പാര്ട്ടിയുടെ കൊടിയുടെ നിറവും പച്ച തന്നെ ആയിരിക്കും ,ഒരു നക്ഷ്ത്രത്തിന്റെ കുറവു മാത്രം) പിടിച്ചു നടക്കുന്നവനെ കൊണ്ടു യേശു ദേവന്‍ കുരിശു ചുമന്ന പോലെ കോണി ചുമപ്പികാനുള്ള വിദ്യയും നമ്മടെ നാട്ടാരെ കയ്യിലുണ്ടു. ആ വിദ്യ ഇങ്ങിനെ ,തെരഞ്ഞെടുപ്പിന്റെ തലേ ദിവസം രാത്രി ഒരു മഗ്‍രിബ്‍ നിസകാരം ഒക്കെ കഴിഞ്ഞു ഒരു കൂട്ടം “ജിന്നുകള്‍” ഈ പിന്തിരിപ്പന് മാരുടെ വീടുകളില്‍ കയറി ഒന്നു മുരടനക്കി ഒരു കാചങ്ങു കാചും “അസ്സലാമു അലൈക്കും…കും ..കും ..കും” ,എന്നിട്ടു പറയും “ഇതു നമ്മള് പറഞ്ഞതല്ല ,പാണക്കാട്ടുന്നു കമ്പി വന്ന സലാം ആണു “ .പോരെ അതോടെ (ആ “കമ്പി സലാം”) ഏതു വലിയ പിതിരിപ്പന്‍മാരാണേലും വീഴും.അങ്ങിനെ സ്ഥിരമായി പച്ച കുത്തി പച്ച കുത്തി എന്റെ നാട്ടിലേ കുളങ്ങളിലേ വെള്ളത്തിന്റെ നിറം വരെ പച്ച ആയിത്തീര്ന്നു.

കാലം കടന്നു പോയപ്പോള്‍ നാട്ടുകാര്ക്കിടയില്‍ തൊഴിലാളി വര്ഗ ബോധവും,സ്വാതന്ത്ര ചിന്താഗതിയും കടന്നു കൂടി,അതോടേ രാഷ്ട്രീയ പ്രവര്‍ത്തനം എന്തെന്നാരിയാത്തവര്‍ രാഷ്ട്രീയം പഠിക്കാന്‍ തുടങ്ങി,നോമിനേഷന്‍ മാത്രമല്ല,നോമിനിയുടെ വിജയത്തിനു തെരുവിലിറങ്ങി വോട്ടു യാചിക്കേണ്ടതിന്റെ ആവശ്യകതയും “ജിന്നു”കള്‍ക്കു നല്ല പോലെ മനസ്സിലായി. അതിനായി എതിര് സ്ഥാനാര്ഥി “കാഫിര്‍” ആണെന്നും അള്ളാഹുവിനെ ധിക്കരിക്കുന്നവനാണെന്നും എല്ലാം പറയേണ്ടി വന്നു. പ്ത്രം വായിക്കാന്‍ തുടങ്ങിയ നാട്ടുകാരെ മെരുക്കാന്‍ പഠിച്ച പണി പതിനെട്ടും നോക്കേണ്ടി വന്നു.നാട്ടിലെ ചായ കടകളും ബാര്ബര്‍ ഷോപ്പുമെല്ലാം രാഷ്ട്രീയ സംവാദ കേന്ദ്രങങളായി. നാട്ടിലെ ഇപ്പോഴത്തെ സ്ഥിതി ഏകദേശം ഇതൊക്കെ ആണു.

സ്വന്തം പാര്ട്ടികൂടി പിന്തുണയ്ക്കുന്ന കേന്ദ്ര ഗവണ്‍മെന്റു ജനദ്രോഹ നയങ്ങള്‍ ഒന്നിനെ പിറകെ ഒന്നൊന്നായി കൊണ്ടു വരുമ്പോള്‍ അതിനെതിരെ തെരുവിലറങ്ങി സമരം ചെയ്യുന്ന സഖാക്കള്ക്കിടയില് പിടിച്ചു നില്ക്കാന് കോമരം തുള്ളുന്ന നേതാക്കളെ ഈ നാട്ടില്‍ ഇപ്പോള്‍ കാണാം.സഖാക്കളുടെയും ചൈന എന്ന രാജ്യത്തിന്രെയും കാമുകി കാമുക ബന്ധം ആരോപിച്ചു ആണവകരാരിനെ ഒരു വിധം നാട്ടുകാര്ക്കിടയില്‍ ഒതുക്കി നിര്ത്തി, ലോക സഭ ഇലകഷന്‍ വിജയം ആഘോഷിച്ചു തീര്ക്കുന്നതിനു മുന്നെ വന്നു വേരൊരു കരാര്‍. “കരാര്” എന്നു കേട്ടാല്‍ കൊടി പിടിച്ചു ആ കരാര് എന്തെന്നു ജനങ്ങളെ മനപാഠം പഠിപ്പിക്കുന്ന പതിവു രീതി സഖാക്കള്‍ ഏറ്റു പിടിച്ചപ്പോള്‍ വെട്ടിലായത്‍ പാവം “ജിന്നുകള്‍”.

"ആസിയാന് കരാര്‍ "അതാണു പുതിയ കരാര്‍.ആണവ കരാര്‍ എന്നാല്‍ ബോംബുണ്ടാകുന്ന “സുന്നാമാക്കി” പോലെത്തെ ഒരു സാധനം അമേരിക്കന്‍ മാര്കറ്റില് പോയി വാങ്ങി ഇന്ഡ്യയില് കൊണ്ടു വന്നു കുഴമ്പു രൂപത്തിലാക്കി കരന്റും,ബോംബും ഒക്കെ ഉരുട്ടി ഉണ്ടാകുന്ന കരാര്‍ ആണു എന്നും അതു നമ്മളെ പോലെത്തെ മീന്‍ പിടുത്തകാര്ക്കു ഒരു ദോഷവും ചെയില്ല എന്നും ദോഷം ചെയ്യും എന്നു സഖാക്കള്‍ പറഞ്ഞു പേടിപ്പിക്കുന്നത്‍ സഖാക്കളുടേ ജന്മ –കാമുകനായ ചൈന എന്ന രാജ്യത്തിനു വേണ്ടി ആണു എന്നൊക്കെ പറഞ്ഞായിരുന്നു അന്നു പിടിച്ചു നിന്നത്‍. എന്നാല്‍ ഇതു അങ്ങിനെ അല്ല പോലും ആസിയാന്‍ രാജ്യങ്ങള്‍ എന്ന പേരിലുള്ള രാജ്യങ്ങളില് നിന്നും നമ്മുടെ കടപ്പുറത്തു കിട്ടണ മത്തി,അയല,ചെമ്മീന്‍ ഒക്കെ ഇങ്ങോട്ടു ഇറ്ക്കുമതി ചെയ്യും അങ്ങിനെ നമ്മള്‍ പിടിക്കണ മീന് വിലയും ഇല്ലാതാകും, നമ്മടെ മീനിനു വിലയില്ലാണ്ടായാല് നമ്മളു ചോറുണ്ണലൊക്കൊ നിര്ത്തി പണ്ടത്തെപോലെ കഞ്ഞി കുടിക്കേണ്ടി വരും ,ചിലപ്പോള്‍ അതും കിട്ടാതെ ആകും.കാര്യം ഇതു സഖാക്കള്‍ പറഞ്ഞാണ്‍ നമ്മടെ നാട്ടുകാരു അറിയുന്നതെന്കിലും ഈ വിഷയത്തില്‍ സഖാക്കള്‍-ചൈന അവിഹിത ബന്ധം ഏശാന്‍ സാധ്യത കാണുന്നില്ല. സഖാക്കള്‍ മനുഷ്യ ചങ്ങ്ലയും സമരവും മറ്റുള്ളവര് ച്ങ്ങല പൊട്ടിക്കാനും സമരം പൊളിക്കാനും ഒരു കച്ചിതുരുമ്പിനായി നേര്ച്ചയും മന്ത്രിച്ചൂതലും ഒക്കെ ആയി ചൂടു പിടിച്ചിരിക്കുന്നതിനിടയിലാണു ഞാന്‍ മദ്രാസില്‍‍ നിന്നും രണ്ടു ദിവസത്തെ അവധിക്കു നാട്ടിലെത്തുന്നത്.

അതിരാവിലെ എട്ടു മണിക്കു ഉറക്കമെഴുന്നേല്കുന്ന ശീലം എനിക്കില്ലെന്കിലും അന്നു അറിയാതെ എഴുന്നേറ്റുപോയി. രാവിലെ കട്ടനും അടിച്ചു ഒന്നു പുകയ‍ക്കാന്‍ വേണ്ടി റോഡിലേക്കിറങ്ങി ഒരു വില്സും വാങ്ങി അടുത്തുള്ള നാസര്ക്കാന്റെ ചായ കടയിലെക്കു വിട്ടു. അവിടെ ആണെന്കില്‍ വലിക്കുന്നത്‍ ആരും കാണില്ല പിന്നെ തീപെട്ടി വാങ്ങേണ്ട ആവശ്യവും ഇല്ല(ചായ കട അല്ലേ തീ ഇല്ലാതെ ചായ പുകയില്ലല്ലോ!) എന്നൊരു മഹത്തായ ശാസ്ത്രം അതിലുണ്ട്. നാസര്‍ക്കാന്റെ കടയിലെത്തി പിന് വാതില് വഴി അകത്തേക്കു നോക്കിയപ്പോള്‍ പതിവില്ലാത്ത ഒരു തിരക്കു . നാട്ടിലേ “പര്‍മാണി”മാരായ നേതാക്കന്മാര്‍ എല്ലാം കൂടി എന്തോ ഒരു ചര്ചചയിലാണു. പര്‍മാണി മാരുടേ ഒത്ത നടുക്കു ഒരു പരിചയമുള്ള മുഖം . ഒരു സഖാവു ആണു. അന്നത്തെ ദേശാഭിമാനി പത്രവും പിടിച്ചു ആസിയാന്‍ കരാരിന്റെ ദൂഷ്യ ഫലങ്ങളേ പറ്റി ബോധവത്കരണം ആണു ശ്രമം. ആരുമില്ലാത്ത മൂലയില്‍ പോയി വില്സ് കത്തിച്ചു സഖാവിന്റെ ബോധവത്കരണവും പര്‍മാണിമാരുടെ സംശയവും അതിന്ള്ള വിശദീകരണം എല്ലാം ഞാനും കേട്ടു .രാജ്യത്തു നടക്കുന്ന കാര്യങ്ങളറിയാന്‍ ശുഷകാന്തി കാണികുന്ന എന്റെ നാട്ടുകാരെ ഓര്ത്തു അഭിമാന പുള്കിതനായി ഞാന്‍ സിഗറ്റ്‍ പുകയ്ചുകൊണ്ടേയിരുന്നു.

സഖാവിന്റെ വിശദീകരണം നന്നായി നടന്നു കൊണ്തിരുക്കുമ്പോഴാണ്‍ നാട്ടിലെ മറ്റൊരു പാര്ട്ടിയുടെ പ്രാദേശിക നേതാവായ വേറൊരു പര്‍മാണി അങ്ങോട്ടു കയറി വന്നത്. സഖാവിന്റെ വ്യക്തമായ വിശദീകരണവും അതിനു മറ്റു പ്രമാണിമാരുടെ യോജിപ്പും എല്ലാം കണ്ടു നേതാവിന്റെ രാഷ്ട്രീയ മനസ്സു സട കുടന്നെഴുന്നേറ്റു. സഖാവിന്റെ വിശദീകരണം തടയിടാന്‍ വേണ്ടി അദ്ദേഹവും ആ ചര്ചയിലേക്കു കടന്നു വന്നു. നെഗറ്റിവു ലിസ്റ്റും ,പ്രധാനമന്ത്രി നല്കിയ ഉറപ്പും എല്ലാം തുറുപ്പു ചീട്ടായി നേതാവു വീശിയെന്കിലും അതിലൊന്നും സഖാവു വീണില്ല .ഈ കരാറു കൊണ്ടു നാട്ടുകാര്ക്കെന്തു ഗുണം എന്ന ചോദ്യത്തിനു മുന്നില് നേതാവു ഒന്നു പരുങ്ങിയെന്കിലും നാസര്ക്കാന്റെ ചയയുടെ ഗുണം കൊണ്ടു ഉടന്ടി ഉയര്ത്തെഴുനേല്പ്പിനു സാധിച്ചു.നേതാവിന്റെ വാക്കുകള്‍ ഇനി അങ്ങോട്ടു ശ്രദ്ധിച്ചു കേള്‍ക്കണം,അല്ല വായിക്കണം.

“ഇജ്ജു എന്തത്താണു പറേണത് പഹയന്‍ സഖാവെ,അനക്കു ഇതിനെ പ്റ്റി ഇങ്ങളെ പരകാശ് കാരാട്ട് പറേണ ബിബരല്ലേ ഉള്ളത്‍. ഇജ്ജും അന്റെ പാര്ട്ടിക്കാരും പറേണ പോലെ ഒന്നും അല്ല കാരിയങ്ങ്ളെ കെടപ്പു. ഇതു പടച്ചോന്‍ നമ്മക്കായി നമ്മ്ടെ ബര്ക്കത്തിനായി എറക്യേ കരാറ്‍ ആണു.അനക്കും അന്റെ പാര്ട്ടിക്കാരിക്കും അല്ലേനിങ്കിലും പടച്ചോനെ പേടില്ലില്ലാ. അള്ളാ കാക്ക്ട്ടെ ബെട്‍വരേ ഇങ്ങ്ളേ”.

“ഇജ്ജു കരാരിന്റെ പേരു ഒന്നുകൂടെ പറഞ്ഞാട്ടെ ..”

നേതാവു എന്തിനുള്ള പുറപ്പാടു ആണു എന്നു മനസ്സിലായില്ലെങ്കിലും സഖാവു ഉത്തരം കൊടുത്തു.

“ആസിയാന്‍ കരാറ്‍”..

“ആസിയാന് കരാര്‍ ല്ലേ, എന്താ ഇതിന്റെ പ്രത്യേകാതാന്നു അനക്കു അറിയൂല്ല ഹമ്ക്കേ ,അതാണ് ഇജ്ജു ഇതിങ്ങിനെ എതിര്ത്തോണ്ട് നടക്കണത്, ഇജ്ജു ഇയിന്റെ പേരൊന്നു നോക്ക്യേ “ആസിയാന്‍’, അതേന്നു, “ആസിയ” നമ്മടെ ജാതീപ്പെട്ട ഒരു പേരിലാണു ഈ കരാറ്‍...അതു കൊണ്ടു “ആസിയ കരാറ്‍” കൊണ്തു വരേണ്ടതു നമ്മുടെ ആവശ്യമാണു…”അതെ ഇതു നമ്മള്ടെ കരാറാണു”.

ചായകടയിലെ പ്രമാണിമാരെല്ലം ഏറ്റു പാടി..

“ഇതു നമ്മടെ കരാര് ആണു…..”

---ശുഭം-------